KOTA TEBING TINGGI DAN SEKITARNYA
MINGGU 12 APRIL 2026
ACARA PARTANGIANGAN PUNGUAN
RAJA PANJAITAN
Dirumah: T. SIAHAAN/Br. MANALU Jl. Perum. Purnaa Deli – Kota Tebing Tinggi |
ACARA PARTANGIANGAN
PUNGUAN RAJA PANJAITAN KOTA TEBING TINGGI
I. KEBAKTIAN
01. Marende B.E No. 74: 1 – 2 SAI MARLASNIROHA HITA BL. 175
Ø Sai marlasni roha hita Ale dongan Kristen i
Sai tapuji ma Tuhanta Napasaehon dosa i
Ditogihon Jesus i Hita tu huria i
Naung dijangkon Debatanta hita on baen anakkonNa.
Ø Tuhan Jesus do Rajanta Na manggomgom sasude
Niramotan ni tanganNa Do luhut parhosa pe
Molo lao hatana i Ndang tarbaen so saut be i
Sai na tulus do nidokNa Di saluhut manisia.
02. VOTUM – INTROITUS – TANGIANG
U : Partangiangan Punguan Raja Panjaitan on, dipungka: Marhite-hite Goar ni Debata
Ama dohot Goar ni Jesus Kristus dohot Goar ni Tondi Porbadia Amen.
R : Asima rohaM diahu ale Jahowa, ai targogot do ahu, maras do rohangku. Alai anggo
ahu tu Ho do marhaposan, ale Jahowa ningku do: Ho do Debatangku.
U : Martangiang ma hita: Ale Tuhan Debata Amana mi na di banua ginjang! Hodo manondangi Punguan ni Raja Panjaitan on jala mangajari roha ni angka na porsea di HataM marhite Tondi Parbadia. Sai buhai ma rohanami, asa ture parrohaon nami marhitehite TondiM, asa tongtong gok dame di Punguan Raja Panjaitan on jala rohanami manghalashon hagogoonMi marhitehite Tuhan Jesus Kristus Tuhan nami. Amen.
03. Marende B.E. No. 118 : 2 + 4 PAIAN MA DI HAMI BL.6
Ø Paian Tuhannami HataM di hami be
Asa martua hami Nuaeng nang sogot pe
Ø Paian ma di hami Tongtong panumpakMi
Gandahon ma di hami Asi ni rohaMi
04. EPISTEL : 3 MUSA 20 : 1 – 5 (U = ULUAN R = RUAS)
U :20.1 Dungi ro muse hata ni Jahowa tu si Musa songonon:
R :20.2 Ingkon dohononmu ma tu halak Israel: manang isepe sian halak Israel nang sian halak dagang, angka na maisolat di Israel, tung sura dipelehon sian pinomparna tu Molok, ingkon marutang hosa ibana, ingkon halak isi ni tano i mandangguri ibana mate dohot batu.
Tuhan i sian tanoman na; ndang binoto manang tu dia di taruhon.
U :20.3 Ahu sandiri pe manuju bohingku mangalo jola sisongon i jala maiaphon ibana
sian tongtonga ni bangsona, ala naung nilehonna sian pinomparna tu Molok, asa
paramunhon ingananku nabadia I dohot paleahon Goarhu nabadia i.
R :20.4 Tung sura pe dipalua isi ni tanoi hira naso diida jolma sisongoni, uju
namamelehon ibana sian pinomparna tu Molok, asa unang nian bunuon na ibana.
U :20.5 Ahu sandiri ma anuju Bohingku mangalo jolma sisongoni dohot mangalo
donganna samarga, Ahu huhut mmaniaphon ibana sian tongatonga ni bangsona
rap dohot sude na mangihuthon parmainanon na, angka namarmainan
mangihuthon ibana tu Molok. Martua ma angka naumbege hata ni Debata jala
naumpeopsa.
U + R : Amen.
05. Marende BE.559 : 2 + 4 Debata na songkal jala na badia
Ø Debata na songkal, surusuruanMu
Saluhut marsomba pasahat tumpalMi
Angka na badia ro tu adopanMu
Mamuji-muji salelengna i.
Ø Debata na songkal, Sitolu sada,
Nasa na tinompa, ingkon mamuji Ho
Debata na songkal, siparholong roha
Sitolu sada, na badia Ho.
06. Tangiang Mewakili Ina:
07. Marende B.E. No.30: 1 – 2 JESUS LEHON HATORANGAN BL.135
Ø Jesus lehon hatorangan Hapistaran Mangantusi hataMi
Lehon mata na marnida Dohot roha na umboto dalanMi
Asa tongtong maradophon BohiMi mardalan hami
Asa digomgomi TondiMi ma hami.
Ø Ganup ari ma ajari Hami na di haotoon i dope
Asa lam porsea hami Ho sambing do hangoluannami i
Lam lumeleng lam pasolhot Tu rohaM ma rohanami
Hombar tu HataM ma pangalahonami
08. KHOTBAH :
09. Marende B.E. No.169: 1 – 2 HO SIPANGOLU AU
Ø Ho sipangolu au, sai topot ma au on.
Sai unang mandaodao. Ho sian rohangkon.
Ro Sipangolu ro tibu. Baen ma au anakMu tutu.
Dohot mudarMi buri au ias songon hapas ma au.
Ias tutu, ias tutu, dohot mudarMi buri au. Ias songon hapas ma au
Ø Togu ma rohangkon Sai taiti au tu Ho
Ai langkaMi tongtong Naeng tiruonku do
Ro Sipangolu ro tibu Baen ma au anakMu tutu
Dohot mudarMi buri au Ias songon hapas ma au
Ias tutu ias tutu Dohot mudarMi buri au Ias songon hapas ma au
10. Tangiang Mewakili Ama:
11. Marende B.E. No. No. 9 : 2 – 3 HUPUJI HOLONG NI (…Pelean…)
Ø Sai dilului Ho do ahu, au pe huhalungunhon Ho ;
Ditaiti rohaMi rohangku, dibahen i hulehon do.
Dipillit Ho hian tondingku, i pe hutodo Ho, Tuhanku.
Ø Huhilala, ingkon marTuhan, ingkon mangolu au di Ho ;
Ndang jumpang au be hangoluan aut unang dipatupa Ho.
Sai Ho do paradiananku, sai gok di Ho nama langkangku.
12. Tangiang Pelean : Ale Debata, Amanami na di banua ginjang, Ho do mual ni nasa uli basa na mauliutus. Dison hupasahat hami do Pelean mauliate tu Ho. Sai jalo, jala pasu-pasu ma pelean ni Punguan Raja Panjaitan on, gabe dalan panindangion, parsaoran dohot ulaon asi ni roha di Punguan on. Bahen ma ngolu nami; gabe pelean nahombar tu lomo ni rohaM, asa hami parsidohot parohon haraja on-Mu, holong, hasintongan di angka ngolu siganup ari. Buhai ma roha nami marhite-hite tondiM, asa sai tongtong mandok mauliate tu Ho, dibagasan goar ni anak-Mu Jesus Kristus Tuhan nami, amin.
13. TANGIANG PANUTUP : Ale Amanami
14. PASU-PASU :
15. ENDE PANUTUP : Amen…Amen…Amen
===============================================================
Kita datang adalah awal kebersamaan, Kita bersama adalah awal Kemajuan,
dan Kita maju adalah awal Kesuksesan.
Dan kiranyaTuhan Yesus memberkati kita semua.
---------------------------------------------------------------------------------
WARTA PARTANGIANGAN
1. Jumlah yang hadir :
2. Jumlah Persembahan :
3. Tempat Partangiang berikutnya :
4. Informasi/Boa-boa :
-------------------------------------------------------
Salam sehat dan salam kompak, syaloom. BPH
No comments:
Post a Comment